سيدة عوض....طشاش فكـــــــره ...!!!

طشاش فكـــــــره ...!!!

طشاش فكــــره ..
وحرف أشتر ..
حبر مدلوق

علي ورقاً نضيف بالحيل ..
و صورة قافية تتقدل ..
تلم أتر الحروف تنجر ..
بواقي الكلمة تتعتر ..
و ضي فانوس

يشابه القمره يتبختر ..
يفج طرف القزاز يمرق

ترف اللهبه تتعدل ..
تمرق الكلمة من الجوف ..
وباقي الفرحه يتكسر ..
تجابد الطاقه للنفاج ..
وعود النبرو يتكسر ..
يكورك التور ..
تلف الساقيه تتبختر ..
و أعاود مشهد الرؤيـــا ..
أعاين ليك تتفسح

وسط حوش القلب مني
تسو الكي .. تجول في الحي ..
توازن لي طشاش الفكره تتحكر ..
عشان باكر يكون أجمل