فطائر بالفرماج والطون

فطائر بالفرماج والطون اتمني تنال اعجابكم

فطائر  بالفرماج والطون



المقادير: 

نصف كيلو دقيق
4 معالق كبار زيت رومية
معلقة كبيرة خميرة
1خمارة ديال الحلوة
معلقة كبيرة نيدو
كاس دانون مسوس
شوية الملح
معلقة كبيرة سكر

 
نجمعها بالماء الدافئ وتكون بحال عجينة الخبز
 ندلكها مزيان تتولي كتطرطق ف ايدنا ونخلوها تخمر


من بعد ناخدو مقلة نشحرو فيها بصلة كبيرة مع زيت بلدية 

تم نضيف ليها الفلفلات بانواعها مقطعة مربعات صغار
ونضيف الملح ونخليهم يطيبو 
من بعد نضيفو المعدنوس مقطع والبزار ونطفيو العافية
من بعد نزيد الطون مصفي 2 حكاك نخلطو مزيان ونخليهم يبردو

من بعد نسرحو العجين مربع كبير
 
ندهن بالمايونيز 
نديرو الحشوة في الوسط 

ونعملو فوقها فرماج سندويش

نسد بجهة وحدة ديال العجين وندير فوقها طريفات من الفرماج ونسدو الجهة التانية 
نقطعها مستطيلات بجرارة الپيتزا 

نزلهم في لاطة مدهونة 
ندهنهم بالبيض ونرش الزنجلان وندخلهم للفران
مسخن مزيان بلا ميخمرو هنا ندخلوهم مباشرة بعد الدهن

وهذا الشكل النهائي للفطائر


 ونقدمو بالهنا والشفا